INSTAGRAM LEH WHATSAPP DINHMUN A DERTHAWNG !

Meta AI, Mark Zuckerberg Company chu US Federal Trade Commision-in khingin, Meta chuan Social media dangte laka an chungnun theih nân leh Facebook chu a dinhmun luah lan a nih theih loh nân Instagram leh Whatsapp ' an lei niin an sawi.

Kum 2019 khân Politician thenkhat te pawhin Zuckerberg-an social media ro a rêl lutuk hi helhin, hralh tura nawr luihna nasa tak a lo dawng tawh bawk.

Chief Judge James Baosberg ' kaihruaina hnuaiah, April ni 14th khân Meta Platform Inc, (Facebook) , Mark Zuckerberg Company leh FTC te chuan Washington DC-ah trial neiin, July 2025 hian thutawp siam theih rin a ni.

Hetihlai hian Mark Zuckerberg chuan Instagram leh Whatsapp chu hralh chhaŵn a tum loh bur thu sawiin, he thubuaia a chaklo a nih vaih erawh chuan duhlo eng ang mahse tihluihnain a hralh tho tho chu a ngai daŵn a ni.

Related Post: BLACKPINK ' LISA ' LEH MAROON 5

Email leak-out pakhat-ah Zuckerberg chuan, Instagram hian engtik niaah emaw Facebook rorelna chu a la luahlan theih mai a rin vangin a lei a nih thu a sawi a , hei bakah hian whatsapp founder chuan Meta-in whatsapp an lei hmaa an intiam ang thil te bawhchhiain, user privacy an ngaihthah bakah an remtihna la hmasa lovin advertisement dahluh hial an tum niin a sawi bawk.

Zuckerberg hian kum 2012 khan instagram hi $1 billion in a lei a, hemi hnu lawk kum 2014 khan tun hnu a,' One of the biggest tech deals ever ! 'an tih tâk hial ni turin whatsapp chu $19 billion laiin a lo lei ve leh ta a ni.

Hetihlai hian Zuckerberg Company chuan hmâ saŵn zêlin, instagram tih changtlun nân Instagram nena hman kawp theih mobile app thar " Edits " tih chu April ni 22nd (Tuesday), 2025 ' khân anlo tichhuak tawh bawk.

He application-ah hian Video awlsam taka edit theih niin 4k quality lai video siamchhuak theiin, a thlawn (Free) veka hman theih a la ni leh nghal a, creators te tân hman a nuamin a țangkai nghal em em.

Mi tamtak chuan Instagram chu he app thar vang hian Capcut leh Tiktok ' luahlan tir thei vat turah an beisei hial.

He application hi tih chhuah a nih ațanga kâr khat chhungin khawvêl mihring 7.1 million laiin an download nghal a, an zinga mi 1.2 million te chu IOS users niin, a bak 5.9 million te chu android users an ni.