HMANLAI LEH TÛNLAI NUN !

Kan naupan lai  kha chuan han ti ve khanglâng ila, nu leh paten  nuam ti taka kan țhiante nên khawlaia kan infiam te kha min ko haw țawk țawka, lungawi chiahlo leh, khamlo  tak chungin kan haw hnak hnak țhin.

Tunlai naupang erawh an danglam ta ! ,  '  Inah tawm reng lovin, i phone leh computer game-te kha dah țha la, khawlaiah va infiam rawh  ' tiin, nun dan phung pangngaia an nun theih nan nawr luih an ngai fo țhin.

Ei leh in an duhtui em em a, alu kan ro roah " French Fries " an ngaisâng bîka, arsa kan ro rovah  KFC  lo chu an ti leh tlat țhin.

Hmânah kha chuan zanriah eikhamah te khân chhûngkuain kan inkawm hova, chhûn lama kan hun hman dân te inhrilh tawnin , hlim taka hun hmangin kan nui ho dar dar țhin.

Tv te kha kan en tlâng a, eng pawh chhuak se, hmuhnawm ti takin kan kîl ve laih laih a.

Tûnah erawh hunaŵl leh aŵl lovah pawh , mahni phone țheuh kan chuh nghala , chhungkuaa thu țha  han inhrilh hun leh, han inkawmhlim hun pawh kha a awm tawh meuh lo.

Khawvêl inanga  chêng chhungkaw  khata mi pawh, khawvêl hran theuhah semdarhin kan awm a ni ta ber, titi leh ngaihven zaŵng a rualkhai thei tak tak tawhlo.' Engtin zèl nge social media leh, khawvel thiamna sâng zel hian chhungkuaah ringawt pawh, nghawng thalo leh, daidanna bang a siam zel dawn ni ' tiin ka ngaihtuah mai mai țhin.