MET GALA 2025-AH SHAH RUKH KHAN AN HRELO || BLACK PINK LISA ' MAWLH HI !

Fashion party for celebrities ' an tih mai, kum tina neih țhin, Met Gala 2025 chu May ni 5, 2025 (Monday) khan Metropolitan Museum of Art, New York City-ah neih a ni, khawvel milâr tak tak thuamhnaw nalh leh dangdai tak tak hain an fuan khawm.

Indian Actor zinga Met Gala Red Carpet ' zawh hmasa ber turin Shah rukh Khan pawh a inlan a, Journalist pakhatin a lo hre lo hloh, zialo thin ! . Tunge a nih a, a outfit chu designer hming te sawi turin a ti a , a ni chuan hlim nui sangin " Hi. I'm Sharukh " ti a bul tanin, a thuamhnaw designed saktu chu Sabyasachi ' a nih thu leh a outfit phena thil awm te a han sawi zawm a.

Met Gala 2025-ah hian Shah rukh Khan' chuan Long black coat,sahmul țha chi a siam, a kawrkilh pawh Japan ram ațanga chah thlen ngat hain, kawnghrenah puan tha chi plated satin hrengin, classic hmel deuh siin, a lang chungnung vah mai. A tiang ken, Bengal tiger lu lem chuanna hi 18k gold a siam a ni leh nghal.

Shah rukh khan chuan Met Gala a kal chu a lo ngaihtuah ngai miah loh thu sawiin, a designer Sabyasachi chuan kal tura a hmin thu leh, phur bawk si, zam em em chunga a kal ve tak thu a sawi.

Milar rual tamtak zingah Diamond Singer Rihana 'chu a fa pathumna pai mekin, raipuar chungin, nalh tak siin a rawn inlan leh a, mipuite lawm a hlawh zual hle. 

Black Pink chuan Met Gala-a an member zawng zawng a ruala a vawikhatna ni turin an inlan bawk a, an zingah hian Lisa outfit chuan mite sawi zui leh lawm a hlawh zual.

View this post on Instagram

A post shared by VOGUE India (@vogueindia)

Rapper Cardi B pawhin hairstyle thar neiin, green burberry pantsuit hain a inthuam a, a tin(Nail) leh a mit hmul zawng zawng pawh hemi color match tura nalh taka chei niin, a vul chuk mai.

Kumina Met Gala Theme hi " Superfine: Tailoring Black Style " tih niin, dangdai deuh hleka inchei chu awm mahse, han lâr hlut tum vanga dangdai uchuak lutuk ang kha an awm lem lo, an smart tlangpui a ni.

He event hi Singer Pharell williams, Actor colman Domingo, F1 Champion Lewis Hamilton, rapper A$AP Rocky leh Vogue Editor-in-chief Anna wintour ten an kaihruai a ni.