THINGFANGHMA MU HRISÊL NAN || HEALTH BEBEFITS OF PAPAYA SEEDS

Thingfanghma (Papaya) țhat zia leh hrisel zia chu kan hre țheuh a nga, tun țum chu a mu/a chi (Seed) zawk țhatna te kan sawi ang. Mi tam tak chuan hetia a tak kan ei a kan duhtawk ang mai lo deuh hian, a chi(Seeds) thlengin an lo ei a, damdawi tha tak a lo ni bawk nen, tinreng damdawi ' an ti mai. A ei dan leh sawngbawl dân te kan sawi bawk ang.

Reff : https://timesofindia.indiatimes.com/life-style/food-news

CHAW PAI ȚAWIHNA (DIGESTIVE ) A PUI : Natural enzymes, ' papain ' țha tak a pai tam avangin kan taksa, thil pâi țawih kawngah nasa takin a pui thei a, pumpui chaklo leh pum lam sawiselna nei tan damdawi âha tak a ni.

kan taksa a natna hrik , rûlhut(Worms) , protazoa (mizo a sawi dan ka hre chiah lo), hrikhrah, hrikpui intaidarh tûr vên nan leh tihtawp thlenging a țangkai.

THIN (LIVER) HRISEL NAN : Thingfanghma chi (Seeds) hian kan Thin(Liver) mamawh chaw țha a pai tam a, zir chiannah chuan a khat tawka ei hian kan thin hna thawh(Function) a puih bakah natna hrang hrang Thin(Liver) a lo thleng tur a vêng thei. Thin lam sawiselna nei tan chuan ei zeuh zeuh a țha dawn hle mai.

CANCER LAKAH TAKSA A VENG : Zir chiannaah chuan thingfanghma mu hian anticancer properties' a neih țhat avangin, kan taksa cancer natna hlauhawm tak lakah a veng thei a ni. Chumai a nilo, compound chikhat ' Isothiocyanates' a pai avangin cancer vei lai mek tân pawh Cancer natna ințai darh zel tur a titawpin, a vêng thei.

VUN HRISEL NAN (SKIN HEALTH) : Vun tichhia a, ti lang nunglo tu natna hrik hrang hrang tichhe thei antioxidants ' a pai avangin a țangkai em em a, vun nung leh hrisel neih duh tan chuan ei ngei ngei chi a ni.

TAKSA VÛNG NEI TAN : Ruh na, Ruh chuktuah na leh vûng nei țhin tan enzymes a pai te hi damdawi țha tak a ni a, ruhseh nei tan pawh a țha hle.

BACTERIAL INFECTION LAKAH TAKSA A VENG THEI : Heng bacteria thenkhat a ruka kan taksa a awm, na em em pawh min thlen nghal mai chuang silo E. coli, Staphylococcus leh Salmonella te hi a doin, taksa a venghim thei.

KHAIKHAWMNA : Heng Vitamins, Vitamin A, Vitamin C, Flavonoids (Natural antioxidant) chikhat), thau tha (Healthy Fats) leh enzymes chikhat, papain' and carpaine' te a pai tam avangin, mit(Eye) leh vun(Skin) tan a țha em em a.

Thingfanghma mu (Seeds) hian kan taksa mamawh em em protein a pai tam bakah, vitamins leh minerals hrang hrang, magnesseum, phosphorus leh iron a tam tel bawk. Thil ei pai țawih leh natna lakah vên him kawngah nasa takin, kan taksa khawl hrang hrangte a pui thei a ni.

EI LEH IN DAN TUR : Saŵng baŵl loh (Raw) tawp pawh hian, tam si lovin, damdawi pangngai eia ei mai te, taksa pai nuam tawk vela ei mai te a theih a ni. Chutih rualin a taste(Tuina) hi tlemin a khâk (Bitter) deuh avangin thil kha leh danglam deuh ei harsa ti tan chuan a buaithlak maithei a, ni saah phoro vin, her dip emaw, raŵt dipa, chawhmeh, salad, juice , tuilum/tuisik etc ah a rem dana phulin ei/in mai tur a ni.

HRIAT TUR PAWIMAWH : Raipuar leh naupang kum 5 hnuai lam tan mahni thua lo ei/in ve ringawt kha a him lohna chen a awm ve theih avangin, Doctor raŵn hmasak phawt a tha, tin, food allergy eng emaw nei i nih pawhin doctor i rawn hmasa dawn nia.