THINGFANGHMA THATNA TE || HEALTH BENEFITS OF PAPAYA

Thingfanghma (Papaya) hi chu a hmêl ațang rêng rêng hian thei hrisêl leh țha a ni tih hi a hriat ngawih ngawih. Han awm loh lai(Season) lah hi a nei ve vak lêm lo leh nghal a.

Tun țum chu thingfanghma(Papaya) taksa tan a țhatna te kan sawi nual ang, chhiar zawh ațangin ei leh nghal char char mai tur a ni.

1.DIGESTIVE HEALTH : Enzyme' chikhat papain' a pai tam avangin kan digestive system, chaw paithawihna lam nasa takin a pui a, pum inhâm(Bloating) nei țhin tan a tha hle.

2.TAKSA RÂL DOTU A TICHAK: Vitamin C' a pai tam hle a, hei hian kan taksa râl dotu te puiin a tichak a, tlâng hrileng leh natna hrang hrang lakah min veng.

3.LUNG HRISEL NÂN (HEART HEALTH) : Fiber, potassium, leh antioxidants a pâi tam avangin cholesterol a tihniam a, lung natna hrang hrang lo thleng tur lakah min ven theih bakah, lunga thisen luang vel a semrual.

4.MIT TÂN CHAW ȚHA(EYE HEALTH) : Vitamin A, lutein, leh zeaxanthin a pâi tam êm êm a, hei vâng hian mit (Eye) tan chaw țha tak a nih bakah, mit vun natna hrang hrang lakah a vêng thei, kum upat vanga mit lam harsatna nasa takin a pumpelh tir thei bawk.

BUY NOW

5.WEIGHT MANAGEMENT : Calories a pai tlêm a, fiber a pâi tam thung, intihcher ngai tan ei tam a pawilo êm êm a, chutih rualin thau tum tân ei tam a pawilo bawk.

6.RUH HRISEL NAN (BONE HEALTH) : Vitamin K leh magnesium a pâi tam avangin ruh a tihchak bakah, ruh lam natna hrang hrang lakah taksa a vêng.

7.CANCER LAKAH TAKSA A VENG : Antioxidant chikhat lycopene' a pâi hian kan taksa cancer natna hlauhawm tak lakah a vêng thei a, a bikin prostate cancer leh colon cancer min pumpelh tir thei a ni.

8.KAL HRISEL NAN(KIDNEY HEALTH) : Anti-inflammatory properties a neih hian kan kal(Kidney) chu natna hrang hrang lakah a vên bakah, tui a pai tam vang hian kala natna tûr(Toxins) te a paihfai kawngah a pui thei.

9.VUN TÂN CHAW ȚHA(SKIN HEALTH): Vitamin C, A, leh E te a pâi tam avangin vun hrisel nân a pawimawh êm êm a, vun(Skin) chuar, bawl leh duk bakah kum upat vanga vun natna hrang hrang lakah min vêng thei bawk.

Hêng kan sawi bakah hian a țhatna tam tak pawh a la awm nual ang, ngaina lêm lo tân pawh thei hrisel leh tui tak a nih avangin a khât tawka ei zeuh zeuh kha a inchhirawm loh hle mai thei.