RAM HRANG HRANG TEN INDIA LEH PAKISTAN BUAINA CHUNGCHANG AN SAWI DAN

CHINA : " China chuan India-in beihpui a thlak ta chiam mai chu pawi a ti takzet a, a nghawng țhalo thleng zel tur pawh ngaituahawm tak a ni "

" Terrorism chu a duh lova, an dodal rualin, India leh Pakistan chu inrem takin awm se a duh ber a ni, ram pahnih te chu buaina ti punlun zel lo turin a ngen " tiin Ministry of Foreign Affairs Spokesperson, China chuan a sawi.

FRANCE : India chuan terrorism laka a ram venhim chu a tih makmawh a ni, a demawm loh, chutih rualin buaina liantham zel a thlen loh nan ram pahnih te chu inem vat se, pawi sawilo civilian ten an tuar zel tur chu ngaih thah lo bawk se a tih thu France Foreign Minister ' Jean-Noel Barrot chuan TF1 Television Interview-ah a sawi.

ISRAEL : Israel Ambassador to India, Reuven Azar chuan " India in a ram venhim hna a thawh dan chu Israel chuan a support hle a, Terrorist te chuan pawi sawilo civilian te lakah rapthlak taka an chet avang hian an tan khawvelah biruk hlenna tur a awm lo tih hi hre rawh se " a ti

JAPAN :April ni 22-a Kashmir-a Terrorists te chetna chu a dem takzet a rualin, India leh Pakistan chu inrem vat se, Indona lian tham zawk a thlen hma a, tawp turin a ngen tih Chief Cabinet Secretary Of Japan, Yoshimasha Hayashi chuan a sawi.

QATAR : "India leh Pakistan buaina chu pawi a ti hle a, ram pahnih te chu inremna a awm leh theih nan indawr se, a tu a zawk pawh an inhawn a ngai a ni " tiin  Ministry Of Foreign Affairs, Qatar chuan a sawi.

RUSSIA: Ram pahnih buaina chu pawi a ti hle a,India leh Pakistan chu inlaichinna țha tak

TURKEY: India leh Pakistan chuan an ngaihtuahna fim hmang se, tuna an chet dan chuan Indona lian zawk a thlen theih thu Ministry Of Foreign Affairs, Turkey chuan a sawi.

UNITED ARAB EMIRATES: Ram pahnih te chuan inrem tum se, buaina lian zawk a thlen zel loh nan inbiak leh in dawr tawn chu an tih makmawh a ni " tiin UAE Foreingn Minister and Deputy Prime Minister Abdullah bin Zayed bin Sultan Al Nahyan chuan a sawi.

UNITED NATIONS: Loc leh International Border-a India in chet a lak a ngai ta chu pawi a ti takzet a, he buaina hi ram pahnih te tan chauh ni lovin, khawvel pum tana pawi thei a ni, India leh Pakistan chu inrem vat se a tih thu " Spokesperson for Secretary-General Antonio Gutteres chuan a sawi.

UNITED KINGDON : India leh Pakistan inkara buaina thleng mek chu thil pawi tak a ni a, ram pahnih te hian a rang thei ang bera he buaina hi tipunlun lo zawng leh, tharum thawh lo zawnga chingfel tura inbe vat turin a phut thu British Foreign Minister David Lammy chuaan a sawi.

UNITED STAES : President ' Donald Trump' chuan India leh Pakistan hmân atang tawha tun thlenga an inbei nawn fo mai chu pawi a tiin thil zahthlak tak a nih thu a sawi , a rang thei ang bera tawp tir a duh thu a sawi bawk.

US Senator Marco Rubio pawhin President Trump-a ngaihdan chu an thlawp thu leh, ram pahnih inrem nana tih theih an neih chuan an inhawn reng thu a sawi.

Reff : https://www.aljazeera.com