KAL ȚHALO TANA EI/IN LOH TÛRTE || FRUITS & DRINKS THAT HARM KIDNEYS 2025

Kal (Kidney) chu eng nge a nih a, engtiang chiahin nge kan taksa tân a țangkai zia leh a pawimawh zia  kan hre țheuh awm e. Kal thalo Chronic Kidney Diseses (CKD) ' hi a lârin , neih a awlsam hle a, khawvêl mi saŵm (10) zinga pakhat zêl hian nei anga chhût niin, kum 2021 kalta a zirchianna ațanga a lan danin, khawvel pumpuiah mihring million 673 chuangin he natna hi neiin, tunah phei chuan a pung nasa viau tawh ngei ang.

Mizo te zîngah pawh kal țhalo nei kan tamin , kan natna lâr zinga mi tiin a sawi theih awm e, a bikin kala lungte awm (Kidney Stone) phei chu a damdawi țha zawngin mizo damdawi tam tak kan intihhmuh mek a ni.

Natna lo thleng tûr pumpelh theih nana kan hrisêlna lo uluk hi Mizo te chuan kan uar vak lêmlo, natna kan kai hnuah kan han buai chiama, a tihdamna tur damdawi kan ngaihtuah chûk chûk thin, Mizo damdawi kan tih mai Ramhmuldamdawi țhenkhat kan han ei/in a, a țhat viau rualin a lo nasat tawh chuan damna famkim tak tak neih a har tawh țhin. 

Tun țumah chuan a tihdamna (Cure) lam aiin a lo invendan (Prevention) leh pumpelh dan(Avoid) kan thlurbing deuh bik ang. Thei (Fruits), thlai (Vegtebles) leh intur thil Company-in an siam thenkhat hi hrisel viau leh taksa tana țha ve tho si ni a lang, in tam emaw ei tam hlauhawm deuh, kan Kal(Kidney) tichhe thei a tam hle , chungte chu han sawi zau dawn teh ang.

1.DARK COLORED SODAS : Drinks vhenkhat, a rawng tak deuh khulh, soda a ni emaw, soda atanga siam te hi a hriselin a chak hmel bik em em a, amaherawhchu, Soda drinks' lam chi hrim hrim kal (Kidney) tân a țhatloh tawh laiin, heng ho ngat phei hi chu a țhalo lehzual a ni. Hêng Dark Colored Soda' te hian phosphoric acicd' an pai tam em em a, kan kal (Kidney) zawi muanga tichakloin, kala lungte awm (Kidney Stones) thlengin a thlen thei a ni.

2.ARTIFICIAL FRUIT DRINKS / STORE-BOUGHT FRUIT DRINKS : Daŵra an zawrh theitui (Fruit Drinks) hrisel hmêl tak tak a awm, a then chu thei tak tak ațanga siam te pawh a ni, a țhen erawh siamchawp(Artificial) niin, a enga pawh ni se hêng daŵra an zawrh te hi a vawnțhatna (preservation) telh vek niin, a tih tuinân emaw, tih rimtui nvn eng eng emaw an telh ve thin bawk. Mi thiamte chuan, heng product te hian chini (Sugar) an pawlh belhlo ' No aded sugar' a nih pawhin a hriselah ngaih phah loh tur an ti hial. Mahni ngeiin thei tharlâm (fresh Fruits) hmanga mahni ina intur (Drinks) siam kha a hrisel ber tihna a nih chu. 

ENTERTAINMENT THU THAR: JUSTIN BIEBER-A LAKAH A FANS TE LAWM LO

Chumai bakah, mi tamzaŵk chuan hetia a juice/drinks a han siama in hi a hriselin a țha zaŵkah kan ngai maithei a, a thei(Fruits) pângngai (Raw Fruits) han ei mai kha kal (Kidney) tân chuan a lo țha zaŵk daih a ni awm e.

In theih ( Drinks/Juice) lamah chuan Coconut water ' hian fak a hlawh bera , Doctor-te pawhin regular taka kan in (Drinks) theilo a nih pawhin a khât tawka in ve zeuh zeuh hian , kan kal a tichakin a hnathawh naah nasa takin a pui thei daŵn a ni an ti.

3.ZÛ (Alcohol) : Zû hi chu kal(Kidney) tân chauh lo pawh, taksa leh rilru hriselna atân thlengin a țhatloh zia chu naupang ațanga puitling thlengin kan hre awm e. Zû regular taka in hian kan taksa-ah dehydration thlenin kan kal(Kidney) leh hormone tan a pawi thei em em a, thisen sâng (High Blood Pressure leh Thin(Liver) țhalo te thlengin a thlen thin.

4.ENERGY DRINKS : Heng Energy drinks kan tih mai taksa tichak theitu, a then phei chuan zân menrei an ngaih chvnga anmahni tiharh vangtu atâna an hman hi , a țhat hmel viau nain, Kal(Kidney) tân a țhalo em em a ni. Chemical chikhat Caffeine' leh chini (sugar) a tel tam avangin kal țhalo a thlen nasa hle.

He chemical Caffeine' an tih mai hi, amah laŵng tawp pawh hian a țhalo em em a, dehydration awlsam taka kan taksaah thlenin, kal kala thisen luang lût tur a tibuai ta țhin a ni.

5.FRUITS: Thei țhenkhat hrisel hmel deuh deuh , taksa tana pawilo tura ngaih theih si a awm, hêng thei te hi a țhalo hulhual ni lovin, Kal țhalo (Kidney Disease) nei sa tân emaw, nei țan tân pumpelh emaw ei tamloh a tha hle. Hêng, Balhhla (Bananas), Sêrthlum (Oranges), Avocados, Tomatoes, Theiherawt (Starfruits) leh Grapes te hian potassium ' an pai tam avangin ei tam loh tur a ni a, kal thalo nei sa em em lo chuan ei tam pawh a pawi kherlo maithei, hriselna ngai pawimawh mi tân erawh a awm tawk hriat kha a țha ber dawn a ni.

Thei(Fruits) țhenkhat Kal(Kidney) hrisel nana ei ngei ngei tha a awm a ,chungte chu, Apples, Lakhuihthei(Pineapples) , Blueberries, Strawberries leh Dawnfawh (watermelon) te hi niin, tui in tam leh taksa sawizawi(Exercise) țhat kha a pawimawh em em tih kan hre tlat bawk daŵn nia.

REFF : https://timesofindia.indiatimes.com