KATY PERRY'S SPACE TRIP : FAKE OR REAL ! (MIPUI BUM TUMNA NGE A TAK ?)

Mi țhenkhat chuan kan hre nual tawh anga, țhenkhat erawh chuan kan lo la hre lo maithei bawk. April ni 14, 2025 khan hmeichhe rual țhiau pa 6 te chuan, Jeff Bezos Company Blue Origin ' kaihhruaina hnuaiah Space trip neiin, an zÎngah hian khawvel zaithiam lâr, Pop Star Katy Perry(40), TV Host Gayle King, NASA Rocket Scientist Aisha Bowe, Civil rights Activists Amanda Nguyen, Film Producer Kerianne Flynn leh Jeff Bezos nupui hual Lauren Sanchez te an tel a ni.

He van thengreng zinna hun an zawh hnu reilote hian mi tamtakin inhnialna an chawkchhuak zui nghal a, fans țhenkhat zingah pawh inbumna/phuahchawp a nih ring an awm hial. An thlalak post leh an awmdan țhenkhat chuan mi tam zawk tan rinhlehna a siam a ni. An spacesuit hak duhdah dan ringawt ațang te pawhin thil awihawmlo a ni an ti hial.

Thlalak pakhat an tihchhuah chuan katy Perry ni anga chhâlin, a hmel erawh a lang lova, hei phei hi chu Blue Origin mission tho 2017 a mi daih tawh, mihring lem(Mannequin) an țhuttir, chumi thlalak chu niin an sawi nghe nghe.

An chuanna Blue Origin Capsule' leia a rawn kir leh hian fai leh thar sarin, a tira an thlawh chhuah ang deuh thuak khan a la awm thei hian mi mak tih a hlawh tir zuala, țum danga zinchuak te chu lei an rawn kir lehin, an spaceship/rocket te pawh a hma ang tawhlo takin a hlui hmelin, a rawn danglam vek tawh thin, meialh nasa tak paltlang ang maia ût dum deuh hlek tûra beiseina a awm a nih chu.

Hêng bakah hian Katy Perry hian fans lam ațangin lawmpui a hlawh teh chiam lo, Environmental Activist inla fir tak, ramngaw humhalh leh khawvel boruak chhia chungchang nasa taka vei țhin khan, țum tam tak a concert tour zin chhuahna lêt tamtaka nasa boruak chhia siamchhuak thei, thil Space Trip-ah a inhnamhnawih leh lawi si vang hian.

Official leh space expert țhenkhat te chuan hemi chungchangah hian Blue Origin' thlavang hi an hauh nasa hle a, Blue Origin' tûn țuma an zin hi țum danga zinte anga vân thengreng hla lutuka kal an ni lova, minute 10 leh seconds 21 vel chauh niin, Space Capsule-ah danglamna a awmlo pawh hi a awmlo lo an ti a ni.

Hetih lai hian milâr țhenkhat Olivia Munn,Emily Ratajkawalski leh Singer Lily Allen te phei chuan fiamthu thawh nan leh nuihza siam nan an lo hmang hial.