INSTAGRAM LEH FACEBOOK USER TE KAN PRIVACY AI' LAKAH A HIM EM ? ( META AI TRAINING)

Khawvel changkâng zêlah AI (Artificial Intelligence) thiamna a sângin, hmsaŵnna a tam phah hlê, chumi piah lamah buaina pawh a pun belh zêl bawk a, mi tamtakin hna te hial chân phahin, mi tam takin hna kaisân nân an hmang thung. Hêng AI te hi a hmang thiam leh zir peih tân chuan dinhmun țha zaŵka kaisânna hunremchâng(chance) a nih rualin, a zir peihlo leh ngaihsak vaklo tân chuan hmalam hun a ko tawlh tawlh dawn niin a lang. AI in kan nun a nghawng dân leh min chiahpiah hneh zia chu kan hre țheuh a nga, kan hna leh thil tuizawng a zirin kan hman țangkai dân pawh a inang lo theuh hlawm awm e.

Kan thupuiah lut țan dawn ila, Facebook leh Instagram chuan Meta AI ', an AI training pêk nân, hetia a hmangtu (users) ten vantlâng hmuh theiha kan thlalak(Image) leh Video post te, thu kan post leh thil eng pawh, caption kan siam ațanga comments kan dawn thlengin, an social media platform kal tlanga kan phochhuah ang chi zawng zawng kha ti ila a huam zau deuh ang, khâng zawng zawng kha țangkai takin kum 2018 ațang daih tawh khân an lo hmang char char a. Hemi vvng hi a ni ngei ang AI in thlalak leh Video eng eng emaw kan edit a, kan hmel tur ang emaw, midang tu emaw hmel ruangâm a lo siam dik chat chat țhin.

Mi tamtakin hei hi duhlovin , mimal privacy tân a himlo e' an ti a, sawisel a hlawh nasa hle, nikum thleng kha chuan he an thil tih hi Meta Ai chuan Option-a thlan theih tûrin privacy-ah an dah tel a, chu pawh a biru thei ang berin, tûnah chuan Option tur ang khan an dah tawh lêmlo, a ngei ngei ngai ang chi(Compulsory) ah a awm tawh a ni. Hetihlai hian European Union (EU)' , General Data Protection Regulation (GDPA) in a huam chin ram te erawh chuan option turin an la nei thei a, US,Canada, Africa, Asia te chuan duh kan thlang ve thei ta lo, EU huam chin kan nih veloh avangin, India pawh kan tel tihna a nih chu.

Privacy ngai pawimawh hrim hrim emaw, hemi duhlo bur i nih chuan kawng khat i nei a, chu chu i social media account te private-a dah a ni, tichuan i personal information leh thil posts te pawh Meta AI chuan a rawn chuh buaipui ve tawh dawn lo che tihna a ni.

Hêng Social Media ,Meta AI hnuaia mi te hian mimal leh mimal kan inbiakna (Private Chat/text) ang kha min hmuhpui lova min hriatpui lo bawka, a chunga mi thil kan sawi kha chu a hlauhawm lo turah ngai phawt ang, tin, i account emaw i fate account pawh kum 18 hnuailam (under 18) anga siam a nih chuan AI train-na hrang hrang te hian a huam tello bawk.