INSTAGRAM LAUNCHED NEW APP ' EDITS ' || INSTAGRAM APP THAR LO TRY VE RAWH

Instagram chuan an mobile application thar Edits" chu a duh apiang tan a thlawna hman theih turin ni 22, April 2025 (Tuesday) khan IOS leh Android users tân an tichhuak .

He application hi mi naŵlpui tan a țangkai rualin, creator te tân a țangkai zual dawn a, video edit nân mobile application ' dang han download-a, thla tin subscription pêk ngai ang te kha kan pumpelh thei dawn a, tin, a țhat bikna lâr nghal em em chu users ' zawng zawngin watermark (logo) tellovin video kan export nghal vek thei a ni. Mobile application dang man chawia hman a ngai tawhlo tihna a nih chu.

A FEATURE LÂR ZUALTE HAN SAWI LEH THUAK THUAK ILA :

SOUND FX & MUSIC : He application hian creator te tan engkim a ti awlsam a ni ber mai, background music ' duhtawkin instagram-a audio awm ang ang kha a hman nghal theiha, chubakah, sound effects hrang hrang, funny, transition, action, comedy, intruments etc category hrang hrang hman sên loh a rawn chhawm nghal a, youtube leh site danga han download chawp chûk chûk kha a ngai tawh dawn lo a nih chu.

CUTOUT : A that leh na em em pakhat chu background removal' kan tih mai AI feature, ' Cutout' a rawn awm tel a, AI leh Editing app tam zawkah chuan he feature hmang tur hian subscription emaw paid a hman a ngaih țhin kha, Edits 'ah hi chuan duh tawkin a thlawnin a hman theih thung.

VIDEO FORMAT / EXPORT : Video resolution-ah hian a HD, 2K leh 4k thlenga export theih turin an rawn daha , frame rate-ah 24fps, 30fps leh 60fps te duhthlan turin an dah tel bawk.

Hêng bakah hian , auto caption, text, voice leh sticker te awlsam takin a hman theih a, overlay pawh video editing apps dang angin professional feature-in an rawn dah ve thlap. Hman a awlsamin editing thiamlo tân pawh vawi 1 edit-naa thiam nghal zung zung theih tur khan an rawn dah hi an finna pakhat a ni awm e.

Inspiration video, instagram pangngai ang khan a en nghal zung zung theih bakah, insights' awm tel nghalin, kan instagram reels upload te , an perfomance țhat leh țhat loh instagram atanga check kher ngai lovin, hemi app kaltlang hian awlsam takin a en let zung zung theih nghal a ni.

Hêng bakah hian Feature dang tamtak dah belh tur an nei nuala, Tiktok-in thawm an rawn neih len em vang hian Instagram chu harh tharin, țan an rawn la veleh niin mi tam takin an ngai.

INSTAGRAM ' EDITS' DOWNLOAD HERE