Harris Family' te chu hmanhmawh viau mahse, khawpui taŵt lutuk traffic jam chu an pumpelh thei bik lo, han tih vak ngaihna a awmloh avangin an chhungkua chuan Car chhungah, eng eng emaw sawiin an ri ve nak naka, an tlangval neihchhun Josh-a tan pawh nula chhelo han thlir kual velna hun remchang a lo ni ve bawk.
Chutia, thlamuang taka an awm lai chuan, Los Angeles ' khawpuiah chuan thil mak leh rapthlak tak, tun hma pawha la thleng ngai rêng rênglo chu a lo thleng ta, tuifinriat tui te chu rawn so phul bulh bulhin, vawi leh khatah lei khi chat zau lutuk chuan khuar khurum, a tawp pawh hmuh theih loh khawpa thûk a rawn siam a, mihring leh lirthei tamtak te chu chu khuar khurumah chuan an tla nghal pawp pawp mai, Josh, a unaunu Izzy leh a nu Eve Harris te chu hmanhmawh takin an Car ațanga tlan chhuakin, inthiarfihlim dan an zawng nghal chuk chuk a.
Chutah, hmeichhe naupang țanpuitu auva mangang em em, chulai hmuna lo awm chuan Josh' chu a kal liamtir mai thei biklo, țanpui tumin a han zawnga, a nu chuan hman hmawh turin a rawn au ve tuar tuar mêk bawk, vanneihthlak takin chulai hmunah chuan, chu hmeichhe naupang nu chu lo kir lehin, an nufa chuan an inhmu leh thei hram a, an vanneihna erawh a kaltluang reilo.
Second reilote-ah chu khuarkhurum chuan a huang rawn zauh zelin, Josh-a' pawh chu a tla tel ve ta, chutia a tla lai tak chu a nu chuan lo hmu hmanin, a rilru a na hle , chhan theih beiseiin a han kir leh hram, amah pawh chu khuarkhurumah chuan a tla ve ta, a fanu chuan a lo man hman hlauh thung.
Thildang engmah rinchhan tur a awm mai loh avangin, a fanu Izzy ' tân chuan, chutia a nu tla mai tur han vawn ringawt bak chu, tih theih a awm bik silo, khuarkhurum chuan zawi muangin huang a zauh zêl mai si, a nu chuan a fanu pawh chu amah avang chuan a tla ve mai ang tih hlauin, a kut vawnna chu thlaha, tlansan vat turin a ti a, a ni lah chuan a nu chu kalsan a tum bik silo, a nu chuan tihluihnain a inthlah tir thei ta hram a ni.
Izzy chuan lungchhe takin, a nu khuarkhuruma a tla lai chu thlirin, chulai hmun ata chu insaseng a tuma, a ke lehlam hi a nuapanlaia accident a tawh avangin thîr ' an vuah chawp ang kha a ni leh nghal , a tan kal chak chu har ve tak tûr a ni.
Hei hi NBC Serial lar em em mai, LA BREA ' niin Season 3 thleng a awm a,September ni 28, 2021 atanga anlo tihchhuah tawh kha a ni. Episode tin mai hi a hmuhnawm em em vek mai a, Streaming site lar NETFLIX leh Prime Video te pawhin subscribers te en theih turin an chhawpchhuak ve tawh bawk.
Chutihrual chuan Science fiction leh Action lam ngaina vaklo, romantic deuh chauh ngaina i nih chuan i en chi a ni lova, Science fiction lam ngaina i nih chuan hmaih phal chi erawh a ni lovang.
Ka movie review te hi Mizo tawnga lehlin a ni ngailo tih lo hre hmasa ber zel ula, enna tur ka dah-ah khân Episode 1 chiah ka rawn daha, a dang zawng chu midang site a mi ka rawn la chhawng ve a ni, Server kha thlak a ngai a, server 2 kha 1 ah dah la, en hmain advertisement a tam avangin advertisement-ah a luh palh chuan Back ' kha i lo hmet zel mai dawn nia, harsatna nei chuan inthlahrung lovin minlo hrilh zel ula.
.jpg)
.jpg)
.jpg)
.jpg)
.jpg)
.jpg)
0 Comments