PAKISTAN-IN MISSILE ENCHHINNA AN NEI ! || AN INPEIH THU AN SAWI !!!

Pakistan chuan vawiin date 3rd. May 2025 (Saturday) khan Surface-to-surface ballistic Missile Kilometres 450 laia thuiah an kap chhuak.He missile hi Abdali Weapon System ' tih niin, Pakistan chuan an Military Training  Exercise INDUS ' peng pakhat a nih thu an sawi.

He thil thleng hi India chuan a ngaimawh nghal hle a, Pakistan hian India chu a cho zia lantirna-ah a ngai .

Missile enchhinna hian Pakistan Sipai te chu engtik lai pawha ral do tura an inpeih zia te lantir niin, missile chuan a tum (Target) a fuh thei chat em ?, a thlawh reng lai pawhin tum dang neiin a insiam rem thei em ? " tih te chu enchhinna an nei chhan dang niin Pakistan sorkar chuan a sawi.

An sipai leh ralthuam neih te chu Pakistan ram venghim turin an chakin, an tha tawk a, beihna hmachhawn tur pawhin an ipeih reng thu Pakistan Prime Minister Shehbaz Sharif leh Sipai hotu lian te chuan an sawi bawk.

Pakistan hian vawi tam tak India nena an inremna bawhchhia in helai ramri-ah hian buaina anlo chawk chhuak fo va, India pawhin a chhanglet ve nghal zel a ni.

Pakistan Information Minister Ataullah Tara chuan darkar 36 chhungin India in beih an tum thu a puang chhuak chiam tawh a, darkar 72 lai a liam hnuah pawh engmah a thleng lo. April ni 29th khan Pakistan Defence Minister chuan ni 2-3 chhungin beih an tawh tur thu a lo sawi veleh bawk.

Puan tawh angin April ni 22 khan Jamu & Kashmira, ' Baisaran Meadow ' hmunah inkahna thlengin, civilian pawi sawilo mi 26 laiin nunna an chan a, hemi hnu hian Pakistan lam Terrorist Lashkar-e-Taiba ' chuan pawi khawihna chu an tih a nih thu sawiin , India a thinrim hle.

Pakistan nena Indus Waters Treaty, 1960 ' pawh titawp nghalin, India ram chhunga Pakistan mi leh sa awm zawng zawng pawh hun tiam chhunga ram chhuahsan vek turin a hriattir nghal.

Heng bakah hian India chuan Pakistan ram atanga thil lo lut tur engpawh a titawp a, eng lawng(Ship) pawh Pakistan Flag intar reng reng chu India tui hnaiha a kal a phallo bur bawk.

Reff : https://www.ndtv.com