INDIA LEH PAKISTAN ENTERTAINMENT LAMAH INDO NASA ! ! !

Puan tawh angin April ni 22nd khan Jammu & Kashmira, ' Baisaran Meadow ' hmunah inkahna thlengin, civilian pawi sawilo mi 26 laiin nunna an chân a, hemi hnu hian Pakistan lam Terrorist Lashkar-e-Taiba ' chuan pawi khawihna chu an tih a nih thu sawiin , India a thinrim hle.

Hetih lai hian India leh Pakistan chu Entertainment ' khawvel lamah pawh an indo zui nasa hle mai, Pakistani Actor lar tak ' Farwad Khan ' channa Film kumin may ni 9th-a release tur chu India lamin tih chhuah a phalllo(ban) nghal a, hemi film kaih hnawih content engkim, trailer, poster, Soundtract etc zawng zawng te chu deleted nghal vek a ni. Pakistan lam Youtube channel 19 lai chu thudiklo leh India dodalna lam thehdarh țhina puhin a ban' tel bawk. Heng zingah hian News channel lâr tak tak, Samaa TV, Ary NEWS, leh Geo News te an tel.

Instagram lam pawh India chuan a zuah chuang lo, Actress Hania Amir leh Amira Khan te chu account a ban sak te zingah hian an tel a, hemi hma lawk hian, Pakistani Artists lâr tak tak , Fawad Khan, Atif Aslam leh Rahat Fateh Ali Aslam account te chu a lo blocked sak tawh bawk.

Pakistan lam pawhin hma la ve nghalin, Pakistan Radio Group (PBA) chuan India chhûl chuak hla satu leh hla sak te chu May ni 1st atang khan an radio-ah an tihchhuah sak dawn dawn loh thu sawiin, an zingah hian zaithiam leh hla phuah thiam lâr tak tak, Kishore Kumar, Lata Mangeshkar, Arijit Singh leh Shreya Ghoshal hming te tarlan a ni.

Pakistan Information Minister Ataullah Tarrar chuan ' An ram leh hnam inpumkhatna atana PBA(Radio group) in Indian chhûl chhuak hla te a tichhuak tawhlo tur chu lawmawm a tih thu leh, thil țha tak an tih thu a sawi a, tiang hun khirh tak karah pawh an ram mipui chu an in support zel a ni tih a lan thu a sawi.

India chuan Pakistan ram ațanga bungrua (Goods) lo lut tur engpawh a titawp a, eng lawng(Ship) pawh Pakistan Flag intar rêng rêng chu India tui hnaiha a kal phallo burin, Pakistan nena Indus Waters Treaty, 1960 ' pawh titawp nghalin, India ram chhunga Pakistan mi leh sa awm zawng zawng pawh hun tiam chhunga ram chhuahsan vek turin a hriattir a nih kha. Reff : https://timesofindia.indiatimes.com