FAKE MANGO, CHEMICAL HMANGA TIHHMIN LAKAH FIMKHUR A NGAI !

Tunlai hian Theihai (Mango) a kunga hmin nilo, chemical chikhat Calcium Carbide ' an tih hmanga tih hmin chawp, mipui te mamawh phuhruk nan market lamah supply a tamin, fimkhur a ngai hle.

Mi tamtak chuan Fake Mango ' tiin a hming an vuah mai a, theihai lem chu a ni bik lemlo, a kûnga hmin ni silo, a hmin hma nana chemical hmanga an saŵngbawl kha a ni.

Theihai(Mango) hrisel nana a țhatna tlem kan sawi hmasa phawt ang:

1.VITAMIN A PAI TAM : Theihai (Mango) kan tih hian Vitamin a pai tam em em a, a bikin Vitamin C leh A, kan vun(Skin) leh mit(Eye) hrisel nân a pawimawh em em a, kan taksa râl dotu khawl natna do kawngah a țanpui bakah, sam(Hair) hrisel nân a tangkai em em.

2.DIGESTION : Theihaiah hian enzymes ' an tih mai, kan thil ei leh in pai tawih thei chi khat awmin, digestion nasa takin a pui thei a ni.

3.LUNG (HEART) HRISEL NAN: ' Magnessium ' leh ' potassium 'a pai tam avangin kan ' Lung' (Heart) hna thawh nasa takin a pui thei a, thisen kan taksa a rualkhai leh țha taka a insemdarh nân a țanpui thei bawk.

4. WEIGHT GAIN & LOSS : Fiber, pectin leh Vitamin C a pai tam avang hian intihcher(Weight loss) duh tan a țha a, thau tum tân a țha em em tho bawk. Chumi awmzia chu intihcher(Weight Loss) duh tan chuan tlêm tlema digestion anga ei a țha a, thau(Weight gain) tum tân sugar leh calories a pâi tam avângin ei deuh țawk țawk a țha em em tho bawk tihna a ni.

Thei hrisel leh tui tak a nih avâng hian hriselna ngai pawimawh ten an ei nasa a, hetih lai hian a zuar chhuaktute hian mamawhna a sân avangin theihai hel(unripe) chu damdawi chemical hlauhawm tak hmanging an tihmin chawp ta thin a ni.

Heng chemical hmanga tih hmin chawp te hi a hriat hran ve theih a , Food Safety and Standards Authority Of India (FSSAI) in hêng te hi a hriat dân an rawn tarchhuah niin, i theih chin chinah theihai ngaina leh ei nasa țhin i nih chuan i lei hma leh lei hnuah ilo chîk ve țhin daŵn nia.

1.A RAWNG A DANGLAM BIK : Theihai tih hmin chawp, chemical an hman te chu a kaŵr hi theihai hmin pangngai aiin a a sen emaw, a eng tak deuh bika, a tlê (Shine) deuh ser țhin.

2.A RIM(ODOUR) A DANGLAM BIK: Theihai rêng rêng chuan an rim diktak, fresh leh rimtui bik êm êm an neih țhin hi, hêng chemical hmanga tih hmin chawp te hi chuan damdawi rim emaw, chemical thil dang rim an nam daih thung.

3. A DÛP NGE A SAK ?: Theihai hmin pangngai chu a hmin lutuk tawh, a kung ațanga tlak phah hial te a nih loh chuan a dûp êm êm ngai lo, hêng chemical hmanga tih hmin chawp, Fake Mango ' an tih te hi chu an dûp/nêm bÎk êm êm a, a chhan chu khâng chemical te khân theihaia ' cell ' awm te an eichhiat țhin vâng a ni.

4.A PÂWN (EXTERNAL) LAM LAN DÂN: Hêng theihai te hi tihhmin nân chemical an hmang kan tih ang khân, a pâwn lam kâwr ațang hian damdawi an chiu lût(Inject) țhin a, a kâwr khawilaiah emaw a hmêl hem lai, hetianga rinhlelh awm tur hian a lang mai țhin.

5.TUIA CHIAH : A taŵp ber atan chuan Tuia chiah Method hi ilo ti ve chhin daŵn nia, a kûnga hmin emaw, amah a hmin ngei,(Naturally ripe) a nih chuan Theihai chu a pil(Sink) a nga, damdawi(Chemical) eng emaw hmanga tihhmin chawp a nih chuan a lâng(Flaoat) dâwn a ni.

Hêng bakah hian a tihdan tamtak a la awm a, a lar zual leh awlsam deuh han tih mai theih te kan rawn chhawp chhuak a ni e. Thei hrisel leh him chauh ei la, i ei leh in-ah ilo fimkhur zêl dawn nia.

Reff : https://timesofindia.indiatimes.com