MOVIE EN PHALLOH RAPTHLAK LUTUK (THIS MOVIE HAS BEEN BANNED IN 100 COUNTRIES ! )

Film tam tak hi chu a scene eng emaw lai an han paih (Cut)zeuh emaw, disclaimer an han dah hian mipui en tura himah ngaiin an chhuah thei veleh mai țhin a, tun țuma movie/Film kan sawi tur hi chu kum 1975 ațang daih tawh khân ram hrang hrang 100 chuang, kan ram ngei ' India ' pawh tiamin mipui vântlang hmuh theiha chhuah leh en an lo khap daih tawh a ni.

Kum 1970 chho vel khan Europe khawmualpuia film industry te chuan an film siamdân kalkhat lutuk chu țhalo tiin, entu mipui te pawhin boring an tichho țan viau a ni awm a, Italy leh France chuan hma hruaiin, chutih lai mek chuan Movie pakhat erawh an uar leh ta lutuk a, tihchhuah a nih atanga rei lote-ah khawvel ram 100 chuangah mipui en atana himlo ni a ngaiin an ban (Hnawl) ta ringawt mai, khawvel ram zawng zawng tih theih deuh thaw zawk a niang chu.

A movie hming chu Salo,or the 120 days Of Sodom ' an tih mai chu niin, kum 1975 a an tihchhuah kha a ni, Political art horror ' lam niin, mipui tihlau leh tichiai thei, inhnialna tamtak chawkchhuak zui thei niin, Pier Paolo Pasolini directed a ni, amah hi movie released hmâ kar hnih la awmah raŵng taka thah a ni nghe nghe.

He movie-ah hian Italy ram chhunga hmun pakhat Republic Of Salo ' an tihah chuan Mihausa leh thiltithei tak pali, nunrawng em em an awm a, chumi te chuan inthurualin tleirawl(Teenager) 18 lai te chu man khawm(Kidnapped) in , tharum thawhna leh in nghaisakna rapthlak tak takin thla 4 chhung zet an sawisa zui a ni.

He movie in tarlan a tum erawh corruption vanga mipui tawrhna te, thuneihna leh rorelna diklo in a nghawng thalo lam a ni veleh daih thung. Hetiang lam hi ni mahse, thil reng reng a lutuk (Extreme) chu a pawi thin angin, he movie-ah pawh hian an lo bei uchuak ta deuh a ni awm e.

Paris Film Festival, November 1975 ' ah an han tichhuak ve phawta, Italy ram pumpuiah inhnialna a chawk chhuak nghal , a kum leh, released a nih atanga thla hnihna, January 1976 ' ah mipui vantlang en atana him tawklo ni a ngaiin movie chhuah leh sum lakluh nâna hman phalna chu an tihtawp sak zui nghal a ni.

Hemi hnu reiloteah India, Australia, New Zealand, leh UK te chuan an rama tihchhuah an phallo ve nghal a, an chhût danin ram hrang hrang za chuangin an khap (Banned) zui ve nghal a ni.

US-ah erawh 1977 ' khan released a ni ve leh lawi thung, rin ang ngeiin ram dang ang bawkin sawiseltu an pung nasa nghal hle a, chutih rualin khawpui hmun țhenkhatah tihchhuah an phalloh bak chu a ram pum anga han hnaŵl(Banned) a ni lo ve leh lawi si .

He Film i en dawna i hriat tûr chu heng te hi a ni, mihring saruak ngalngat a awm an sawisa lai, an private part (Serh) an nghaisak lai te, tharum thawhna leh thisen chhuahna rapthlak tak tak hmanga mi an sawisa lai a tam hle dawn a, chutiang hmuh i inhuam a nih loh chuan en ve ngawt chi a nilo a nih chu.

Vincent Canby, Movie Critic lar takin The New York Times a a tarlan dân chuan, " Thinlung leh rilru a tina vawng vawng thei, Art nih dan tur nilo vek hlir " a ti nghe nghe .

SAWI ZUI HLAWH ' MOVIE DIRECTOR ' THIH DAN ! : November ni 2 ,1975, movie tihchhuah a nih hma kâr tlemte la awm khan Director ' Pier Paolo Pasolini 'chu thah niin, nasa taka sawisak a ni a, a ruh tamtak tliakin, a private part a chhe hneh hle tih Doctor chuan autopsy report atangin a tarlang.

Tûn thleng hian he pawi khawihtu hi hriat chhuan leh man chhuah a la ni lova, a thihna leh a movie siam hian inkungkaihan a neilo niin mi thiamte chuan an sawi, misual tu emaw pawisa mamawh deuh tawng fuhin, inrawkna a thleng niah an ngai.

SALO MOVIE EN THEIHNA : Kum tamtak hnuah mipui en theih turin dah chhuah ve a ni leh tawh a, scene tam zawk paih(cut) niin, IMDb rating 5.8 neiin Rotten Tomatoes lamah pawh 70% lai a score ve ta hial .

Kum 2011 khan Blue Ray Home Media Version ' tihchhuah a ni a, heti chung pawh hian ram hrang hrangah chhuah phal a la ni chuang lo, Google Movies ' chuan man chawia en theih turin an dah chhuak a, chutah pawh ram țhenkhat en phalna leh phal lohna a la awm cheu !!...

Source: https://www.hindustantimes.com