HOLLYWOOD MOVIE THAR ' F1 ' SOUNDTRACK SA TÛR ZINGAH ROSE

Elijah Khawlhring May 02, 2025

BLACK PINK' member ROSE chu Hollywood Movie thar F1 ' sountrack sa tûr zingah thlan chhuah a ni. Rose chuan a social media account hrang hrangah rawn post nghalin , Hollywood Movie thar hmuhnawm tak, F1 ' kumin June thlaa lo chhuak mai tur chu a nghahhleh viau thu a sawi.

F1' soundtrack title tur hi Messy ' tih niin, Ed Sheeran, Don Toliver, Doja Cat, Tate McRae, Burna Boy leh Roddy Ricch te chu F1 movie Album-ah hian an tel daŵn bawk.

He Movie hi Formula 1 racer pakhat Sonny Hayes-in, a nunna hial chan phah tep a, accident rapthlak tak a tawh hnu, kum 30 a liam hnu a, beidawng lova a rawn kir leh dân tarlanna niin, Hollywood Actor leh producer laâ ni bawk, Brad Pitt(61) chuan leading role a rawn la bawk ang.

Kumin hian BLACK PINK lam hian a mimal angin thaŵm an nei țha hle mai, Lisa chuan Coachella Music Festival 2025-ah permomance ropui tak a neih hnuiin, vawiin lam khân Maroon 5 nena an thawh dunna Music Video ' Priceless ' chu anlo tichhuak ve leh chiah bawk.

He movie hi Warner Bros kutchhuak a ni dawn a, kumin June ni 25th hian Theatre-a chhuah țan tum a ni.Brad Pitt chuan F1 Movie-a a inlan vang hian $30 million lai a hlawh ni awm e.

Film Budget pawh $300 million lai a ni a, Netflix, Apple Tv, Paramount PIctures, Metro-Goldwyn-Mayer, Sony Pictures, Universal Pictures, Walt Disney Pictures, MGM Studios te chu thawk hovin, a hmuhnawm lo thei lo a ni ringawt.