I EX' KHAN RENEW LEH CHE A DUH TIH HRIAT DAN KAWNG 5

Relationship lamah hi chuan Ex-te chungchang sawi tam loh hi a tha ber a, tun tum erawh kan sawi lo thei lo, a ruk te chuan ila ngai ru ve veng veng mai thei a, a ni pawhin a lo ngai viau maithei bawk che. In inkar chhe tawh hnu kha siamthat leh theih beiseiin tan a lo la mek maithei bawk a ni. Times Of India ‘in kan Ex' ten min rawn 'renew' an duh tak tak leh tak tak loh hriat theih dan kawng 5 a dah te hi lo chhiar la, ilo ngaihtuah zui ve dawn nia.

1. CHETLAK DAN (Action) : Tawngka aiin chet zia a lantir hian thu a sawi thuk zawk an tih thin kha, phone call emaw, direct deuha rawn chat'  leh, hmaichhanah te rawn be rawih lo che mah se, engtin tin emaw hma a rawn la ang, hun inhman dun thin lai te kha ngaituah kirin, nangmah ngaiin a lo kur diam diam mek maithei a ni.

I social media velah thil pawimawh sawi zui tur em em hre silo-in a rawn text zuk zuk maithei che,  I thil post te like' a uar thar hle ang a, I story leh status update ' te a view hmasa pawl a ni zat zat thin ang. Tiang a nih chuan I biak hun nghakin beiseina nen a lo thlir leh reng tawh che , I thinlung a hneh theih nan I nungchang leh khawsak dan a zir chiang  mek a, ilo pawm leh mai dawn nge ?, I in open zeuh a nih chuan a hma ai khan a rawn zei leh sauh dawn a, i ngaihtuahna fim takin ilo hmang dawn nia.

2. HUN KAL TAWH LEH NUNHLUI : Social media awm hi a hmang tangkai thiam tan chuan vanneihthlak tak a ni. A ni pawhin chu chu hriain, social media account velah inla in blocked lova , chanchin inla inhre pawh tawn ve zel thei a nih chuan, in thlalak hlui leh I thil ngainat thin te hmangin I rilru no tak kha hneh a rawn tum leh dawn a, I chak lohna point chat chat kha a hre dawn si a, a hmalak dan style hi ilo thlithlai ve chhin mai mai dawn nia.

3. A THIKTHU A LO LA PE CHHE HLE : In in ngaizawng tawhlo chung pawhin I lakah tlang deuha sawi ngam si lovin a thikthu a lo pe chhe ve em em ringawt zel em ?, mi tu emaw I be tha deuh emaw, I close deuh nia hriat a neih chuan, hei hi tunge, eng nge in tih ? tih vel zawhna a rawn zawt deuh chhen thin ang che, a la duh che a, I rilru puthmang tur a hre silo , hmangaihna zinkawng bumboh tak a zawh ve mek a ni thei.

4. NGAIHDAM DILNA : A chang chuan ngaihdam a rawn dil leh ringawt thin ang che, engkim mai kha a thiamloh a nih thu leh, a inchhir thu te sawiin, bul tan that leh puiah tlang deuhin a sawm ngam silo che a, a laka I rilru puthmang a zirin chetlak dan a ngaihtuah mek a ni.

5. A LA DAH PAWIMAWH CHE EM ? : Heng I birthday ', I thisen zawmpui emaw, I thiante chanchin te, I tana hun pawimawh te,  a la ngai pawimawh em em zel a, midang aia hre hmasa thin leh thleng hmasa bertu a la nih zat zat chuan, a la duh hle che tihna a ni mai.

Heng kan sawi bakah hian kawng hrang hrang tam tak a awm thei bawk, a pawimawh ber chu in -ngaihzawna leh hmangaihnaah chuan inhriatthiam tawnna hi a ni a, in inthen chhan kha I thiamloh pawh a lo ni thei, a thiamloh pawh a ni thei bawk, rinawmna leh dik taka hmangaihna zinkawng ' in zawh leh thei dawn a nih chuan inlaichinna siam that leh vat mai kha a fin thlak a nia, mi tumah hi fel famkim kan awmlo , amaherawhchu, mi thenkhat hi chu vawi tam tak an tihsual hnu pawha sim duh chuang lo, ngaihdam dil ringawt awlsam', insiam that tum chuang reng reng lo an tam, I tan natna leh hun khawhralna mai a ni ve thei a, uluk takin inngaihtuah la, ilo la hmangaih ve reng a nih pawhin I tana tha ber tur thutlukna siam I tum dawn nia.