GHIBLI AI A HIMLO EM NI ?

 GHIBLI AI A HIMLO EM NI ? :

Tunlai thlalak edit-na rawn lar hluai, Chatgpt feature thar, Ghibli Art-Studio image ' hi mimal privacy tan a him tawk em ? Mi tam takin ngati nge an sawi sela, tam takin an promote thung tih hi han sawi teh ang.

Post hmasa lamah khan a hman dân te, a app downlad dan leh thil dang ka rawn dah tawha, i try ve duh a nih chuan ilo hâilêt ve lawk mai dawn nia. Chumi hmain a him tawk leh tawk loh hi ilo chhiar phawt a nga, thutlukna i siam dawn nia.

A that lohna ni a an sawite kan belchiang hmasa ang :

1.PROFESSIONAL ARTISTS TE HLUTNA A TLA HNIAM : Tun hma kha chuan hetiang thlalak emaw video siam tur hian kâr tam tak, thla tam tak Artists ten hun an mamawh thin, coding, animation eng eng emaw thiam a ngai a, a hautak em vang hian an hlawh pawh a tam ŕêng a, tunah erawh AI thiamnain khawvel a rawn tuam ta mup mai si a, engkim a awlsam tawh em em a ni, AI app hmangin hêng ang thlalak leh animation video te pawh hi thiamna(Skill) em em pawh nei lovin mahniin a siam ve theih mai si a, midang sum hailuhna pêng pakhat tihchhiatna chu a ni ve phawt.

2.USER DATA : Ghibli Art ' siamna bik ro ro-ah Chatgpt(Open AI) hian kan thlalak siam tawh te  data delete theihna option min pe lova, kan history erawh kan clear thei thung.

Chutih rualin terms of user privacy ' ah AI dang ang thovin a him a, gpt nena kan inbiakna hi encrypted a nih avangin user leh midang tumah hnenah a thawn chhuak tawhlo, AI train nan Meta AI angin an hmang zui lo , a rei hnuah an dahbo nghal zél a ni .

RELATED POST GHIBLI ART ' THU THAR

AI dang angin kan activity te rawn chhui zuiin advertisement hmangin min rawn ûmzui lo bawk. Site thenkhat leh AI apps thenkhat kan hman hian, kan thil tih leh kan thil siam ang milin Advertisement khami mil khan min rawn suggest thin kha.

3. FAKE APP/AI SITE : AI app leh site tam tak a thalo zawnga min kaihruai thei a awm a, hêngte hian zawhna tullo tak tak user te zawh belhin, kan information hriat nân leh hlawkna tam zawk an neih theih nan theihtawp an chhuah ve thin. Ghibli Art' kherlo pawh eng emaw viral a lo awm hian anmahni atanga awlsam taka siam theih angin advertisement hmuhnawm tak tak hmangin min han thlêma, kan han try tak tak meuh chuan pawisa chawi teuh te a ngaia, subscribe ' ngai te niin, kan sawi tak ang khan site thenkhat chuan link nilo deuh deuhah te min hruai lût ta thîn a ni. Hei hian Malware, virus te min pein kan phone te a tibuai ve thin a ni.

4. SUMDÀŴN NAN : Mi thenkhatin Ghibli Art ' thlalak te hi sumdâwn nân, phalna tel lovin hman an tum thin, milar tak tak te thlalak siamin, an remtihpuina nei anga hralh an awm ve rêng bawk, hei hi dân bawhchhiatna a ni a, tin, social media thenkhat phei chuan an ngâi thutak hle a ni.

GHIBLI ART ' chu a hlauhawm em ?: Ghibli Art ' ringawt hian hlauhawmna a neilo, AI effect dang ang tho kha a ni. A hlauhawm dan chu app leh site hriatchianloh i hman atangin ' , hei chu kan hriat vek kha, Playstore/Appstore a mi app hi a him tawk hle.

 

Pixverse ' bawk hi ka sawi leh thin ang, hman a nuamin a him taŵk viauin ka hria, kan AI siam te public-a dah kan duh loh chuan min tilui lo a, delete' theih zelin option tha tak a siam bawk a ni.A thlawnin a la hman theih zui, ila try veloh chuan link ah hian lut la, a hman dân leh playstore atanga direct-a download 'na link ka dah e. PIXVERSE AI

App leh site him chauh hmang la, ' i hman hmain 'google'  lamah 'research' te i nei hmasa thin dawn nia. Thil tangkai tak tura duan te pawh hi a thalo zawnga hman theih vek an ni a, AI te pawh kan hna leh zirlai min puitu atan te, kan mimal hmsawn nan tangkai takin hman tum ila a hlauhawm loh a ni mai.