BIBLE CHÂNG, HUN HARSA LEH KHIRH TAK I HMACHHAWN LAIA I CHHIAR TUR

JEREMIA 29:12-13

Tin, min lam a nga, ka hnênah in rawn țawngtai ang a, ka ngaithla ang che u. Min zawng a nga, in thinlung zawng zawnga mi zawn hunah chuan mi hmu ang.

ISAIA 40:31

LALPA nghâktute erawh chuan an chakna chu an siam țha leh ang a; mupuite angin thlain an thlâwk chho vang a, hah lovin an tlân ang a, chau lovin kein an kal ang.

SAM 34:18

LALPA chuan thinlunga lungchhiate chu a hnaih țhin a, Rilrua inchhîr apiangte chu a chhandam țhîn.

2 KORINTH 4:9

Tihduhdahin kan awm a; nimahsela, kalsanin kan awm silo; vuak thlûkin kan awm a; nimahsela, tihboralin kan awm silo.

JOHANA 14:27

Thlamuanna ka hnutchhiah a che u; keima thlamuanna ka pe a che u; khawvêlin a pêk angin ka pêk loh che u hi. In thinlung mangang suh se, hlauh pawh hlau suh se.

SAM 46:1

Pathian chu kan inhumhimna leh kan chakna, Mangan laia țanpui vartu hnai reng a ni.

ISAIA 41:10

Hlau suh u, kei in hnênah ka awm si a; mangang suh u; kei in Pathian ka ni si a. Ka tichak ang che u a, a ni, ka țanpui ang che u; ka felna kut dinglamin ka chelh reng ang che u.

MATHAIA 11:28-29

Nangni thawk rim leh phurrit phur zawng zawngte u, ka hnênah lo kal ula, keiman ka chawlhtîr ang che u. Ka nghâwngkawl bât ula, ka hnênah zir rawh u; thuhnuairawlh leh rilrua inngaitlâwm tak ka nih hi; tichuan, in thlarau tân chawlhna in hmu ang. Ka nghâwngkawl chu a nuam a, ka phur pawh a zâng a ni, " a ti a

JOSUA 1:9

" Thu ka pe che a ni lâwm ni ? Chak tak leh huai takin awm rawh; hlau suh la, zâm hek suh; LALPA i Pathian chu i kalna apiangah i hnênah a awm zêl dâwn alâwm ," tiin a sawi a.

ROM 8:35

Krista hmangaihna ata chu tuin nge min țhen ang ? Hrehawmnain emaw, lungngaihnain emaw, tihduhdahnain emaw, țâmin emaw, saruaknain emaw, hlauhawmnain emaw, khandaihin emaw min țhen ang em ni?

THUFINGTE 3:5-7

I thinlung zawng zawngin LALPA ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zêl ang che. Mahni ngaihin intifing suh la; LALPA chu țih la, sual kalsan rawh.

SAM 23:4

A ni, thihna hlim kawr ruam zawh mah ila, Thil țha lo rêng rêng ka hlau lo vang; Nang ka hnênah i awm si a; I talhtum leh i tiangin mi thlamuan țhîn a ni

1 PETERA 5:7

Anin a ngaihsak țhin che u avângin, in manganna zawng zawng ama chungah nghat vek rawh u.