WHATSAPP INBUMNA THAR || FIMKHUR RAWH !

 WHATSAPP-A THLALAK I DOWNLOAD KHAN O PHONE AN HACK THEI TIH I HRIA EM ?

Tunlai mi bumhmang (Scammer) ho hi an thiamna a sângin an fing ve zêl a, an tihdan ngai reng an hmang duh bik lo, tûn hmaa ' Otp ' hmanga inbum leh ' external link ' hmanga inbumna ang kha kalpui an la awm rualin, mi nawlpuiim kan hrethiam tawha, information Technology a tha a, Social media lamah kan inhrilh darh ve zung zung tih an hria, kawng thar, tihdan thar, an zirin, an ngaihtuah ve renga a ni.

Tunlai hian Kerala lamah chuan inbumna thar a lâr hle mai, scammer te chuan whatsapp user te rawn attacked bikin, an thil tihdan hi a awlsamin a dangdai tawh hle. A hre thiamlo tan phei chuan bumin an awm tih chhui zui vak ngaihna a awm lo.

Scammer te chuan thlalak(Photo) pangngai ve mai mi tupawhin kan inthawn kual angah hian a rukin link (embed link) an dah tela, khatia kan download-a kan open chiah khan malware ,kan phone privacy lut tlang thei tura duan, eg. kan bank account, social media etc ang kha kan remtihna pawh lak ngai lovin a lo lut ta a, kha khan ' Otp ' leh thildang kan hriatpuina tel lovin kan privacy min rûk chhuahsak thei ta a ni.

Kerela Police te chuan mipuite fimkhur tura chahin, whatsapp leh social media dang hrim hrim atang pawhin mi hriatchianloh hnen atanga thlalak hote anga lang pawh, download sak lo turin an chah hial a.ni.

Hemi laka him dan kawng pawimawh tak chu whatsapp hmangtuten kan ' settings ' atangin, thlalak te, music leh video, hêng kan dawn hrim hrim hi, mimal emaw, group atang pawhin ni se, auto- download kan off tur a ni, auto download kan off lo a nih chuan amahin a lo in-download a, kan folder leh gallery-ah te lût tlang nghalin, open loh theih loh khan a awm thin a ni.

Auto-download off dan kan sawi lawkah, i thiam sa a nih chuan ilo chhiar lo mai a nga.

Whatsapp ' i hawng (open) a nga, a sir kil dinglampang a chung lama ' dots ' pathum kha i hmet ang, a hnuai berah settings ' tih a lo  awm a nga, tah khan i lut ang, ' storage and data ' tih a lo awm leh a nga kha kha hmet la.

Media autodownload ' tih hnuaiah heng option te hi a lo awm leh ang, a mal te tein lut la, a in tick sa vek chuan uncheck(untick) vek tur a ni...

He technique scammer ho rawn chîn thar hi, ' steganography ' tih niin, kan sawi tâk ang khan, thlalak satliah pawh a ni thei a, nula/tlangval chhelo deuh thlalak pawh a ni thei, en chakawm tur deuh kha an thlan chhuah ve ngei a rinawm, tichuan thlalak khan link thalo a lo keng tel ta thin a ni.

Kerela Police te chuan mi tupawh tiang lama inbumna taŵk an awm a nih chuan ' 1930 ' ah a rang thei ang bera Police te hrilh hre turin thu chhuah an siam.

Kan State lam hi minla attacked chiahlo niin a langa, lo chiai lutuk lo ila, chutih rualin kan chhungte, kan țhian tha te lo hrilh hria ila, thlalak nazawng a ni kher dawn lova, a pawng a puia lo hlauh vak kha a ni chuanglo, kan hmelhriat loh leh kan va biak hmasak pawh nilo ten thlalak leh external link minlo thawn kha download lo ila, kan whatsapp te auto-download disable ila, a chunga kan sawi ang khân, mipa ho kha nula thlalak nalh deuh deuh te an rawn thawn ringawt che u chuan lo hmeh sak miah loh tur, delete hmak hmak tûr tihna a nih chu.         Source :Dailyhunt (Mathrubumi English)