TRAVIS SCOTT INDIA TOUR 2025, TICKET CHANGLO AN TAM !

 TRAVIS SCOTT INDIA TOUR 2025 :

American Rapper Travis Scott India debut tour , October ni 18 a Delhi, Jawahar Lalnehru stadium a concert ticket chu bookMyShow kaltlangin zawrh chhuah a ni a, darkar reilote chhungin hralh zawh nghal vek a ni ! .

Ticket changlo hi twitter (X) lamah an sawi danin mi nuaih 2 atanga nuaih 3 dawn lai an la awm avangin, Show(Concert) hi a tuk leh October ni 19 a mi turin , tumlawk pawh awm lovin duan lawk nghal chuk chuk a ni awm e.

Rapper Travis Scott(35) hi sawi tawh angin , tun tum hi India-a a vawikhat perform na tur niin, Circus Maximus World Tour ' chhunzawmna a ni dawn a ni.

Kumin hian khawtlang Artists te chuan India an rawn tlawh nasa hle a, January thlan khan British Rock Band COLD PLAY ' chu DY Patil Stadium, Mumbai-ah Music of the Spheres World ' tour neiin an rawn performed a, hemi hnu lawk hian Singer/Songwritter Edsheeran chuan Mathematics Tour ' neiin India ram hmun hrang hrangah Concert a nei leh a, Bengaluru Kawtthlêra street perfomance a neih phei kha chu Police pakhatin lo tihtawp tumin harsatna a lo siama, khawvel hmun tinah a viral nasa hle a nih kha.

Tin, Shawn Mendes(27) pawh Lollapalooza Annual Music Festival , March ni 8 a Mumbai-a neihah a lo performed tawh bawk.

Travis hian HIGHEST IN THE ROOM (2019), THE SCOTTS (2020), leh FRANCHISE (2020) Singles te hmangin Top chart lamah ro a lo rel zak zak tawh a ni.

THE CIRCUS MAXIMUS WORLD TOUR ' kumina a neih tur hi Concert tour a neih vawi 4-na tur niin, a Studio Album UTOPIA(2023) promote na tur a ni. Astroworld-Wish You Here ' tour  2019 kha a tour hnuhnung ber niin, The Circus Maximus Tour hi October ni 11, 2023 khan North Carolina atangin  alo țan tawh a, kumin hian chhunzawm lehin, November ni 8-ah, Tokyo, Japan khawpuiah a hmawr bawk tum a ni.

Mizoram, Aizawl lamah chah thlen theih a nih dawn leh dawn loh chu kan Agency te kutah a innghat thui hle a, chutih rualin Ticket changlo tamtak an awm laia Show harsa taka an pawt sei leh thei chauh a nih avang hian beisei erawh a sang lo hle thung.