NAUKRI.COM ACCOUNT SIAM DAN LEH HNA ZAWN DAN

THUHMA HRUAI : Mi tamzawk chuan Mizoram paŵna hna thawh ve te kan châka, mahse a tihdan kan hre mai si lo, Agency ' tam takin hna an offer ruih ruih tih chu kan hria, mahse fees an lak ve thin avangin a lo buaithlak deuh thin. Ka thalai pui tam tak, taima leh hlawhtlin duh tak tak, a kawng hmang hrelo in awm tih ka hria, a theih ang angin kan inṭanpui tawn zêl dawn nia.

A hmasa berah chuan Mizoram pawn hna ho hi a hautaka, hna tak tak an thawk a ni tih hriat hmasak tur, Mizorama kan awm ang mai mai khan awm tum lo ila, hrehawm tuar inhuam em em nghal phawt ila. A lo hrehawm vak loh leh kan vannei ting a ni mai. India ram pawn-ah phei chuan hna hi a thawh tak meuhin an thawka, kei pawh vawikhat chu ka lo kal ve tawh ngei alawm, minute 1 lek pawh a zawh loh chuan kan bang thianglo.

Kan topic-ah kan lut ang, tun tumah chuan India ram chhung bik hna zawn dan ka rawn kawhhmuh dawn che u a, ram dang erawh tawhsual tawh palh te, sum leh pai sen ngai te a tam thin avangin ka rawn sawi rihlo mai ang.

A hmasa berah chuan Mobile application ' i mamawh a, Naukri.com tih app hi Playstore-ah ' i downloaad-ang, download kher lova i hmang duh a nih chuan google-ah Naukri.com ' tih hi search la, a lo lang nghal mai ang.

A RINTLAK TAK TAK EM : Aw rintlak, India rama hna zawnna app leh site hman rim ber, lian ber a ni mek a ni, Mizo tam zawkin kan la hre lova, 1997 atang daih tawh khan anlo run ' tawh. Kei ngei pawhin ṭum tamtak hna zawn nan leh hmuh nan kalo hmang ve tawh  nghe nghe.

A HMAN DAN : Application emaw site hmang tur chuan account ' siam ve a ngai a, a hnuaia steps hrang hrang te hi i follow zel dawn nia, uluk takin chhiar la, a harsa lo, tihsual erawh neih tum lo la, a bul atanga tih that leh zel kha a ninawm dawn.

Naukri / Naukri.com app ' Playstore atanga i download zawhah i (open) ang, ila download loh chuan Naukri app ' lem chuanna thlalak hi hmet zeuh la, Playstore-ah download'  turin a hruai ang che. Tichuan app chu i open ta a, Register ' tihah khan i lut ang, i hming te, i gmail id leh phone number te i type lut ang, a next page-ah i kal ang a, Mobile verification ' i ti ang, i mobile number kha tuna i phone hmanlaiah-ah khan i hman a ngai, a chhan chu Otp i dawng dawn a ni, midangin an hmang a nih chuan i va zawh chawp leh te kha a ngai dawna a buaithlak ve deuh. OTP i dawn hnu chuan code i chhu lut a nga, i in verify-ang.

Phek thar a lo lang a nga, option pahnih i nei, lehkha zirlai, intern anga thawh tur hna i zawng dawn a nih chuan option hmasa zawk, " I am a student / Have never worked ' tih hi i hmet ang, hna zawnglai emaw, zawng tur ringawt i nih chuan a hnuai zawk " I am working / Have worked before" tih hi i hmet leh mai ang.

Mizoram-ah ila awm meka, vairam lamah hna i hmuh veleh kal i tum a nih chuan Country city tihah hian Aizawl tih kha i chhu lut a nga, a sir kilah hian ,Country-ah hian India i chhu lut leh ang, i zawh chuan NEXT tih kha hmet rawh le. Employment Details ' tih page thar a lo lang a, i fill-up leh dawn a ni. Zawhna hmasa ber ' Are you currently employed ? ' (Hna thawhlai i nei em?), hna thawh lai i neia, hna ṭha zawk i zawng mêk a nih chuan YES ' tih kha thlang la, i nei lova, hna thawh tur i zawng mek a nih chuan No ' tih kha i thlang mai ang.

A hnuaiah Total work experience ' tih a lo awm leh a, mi hnuaia hna i thawh tawh(Experienced)kha a kum zat i type leh mai ang, a hmasa zawkah kum zat(Year), a hnuhnung zawkah thlâ(Month), current job tittle ' tih-ah hian tunah hna i thawk mek a nih chuan, i hna dinhmun, eg, waiter, chef, teacher etc i ziak ang, a dawt lehah i thawh mekna emaw, ilo thawh tawhna company hming. A dawt lehah hian i thawh tan kum leh thla, chuan i bân kum leh thla i ziak leh ang.

Annual salary ' tihah hian Kum 1 chhunga i company thawh tawhna Company-in hlawh an pek thin che a vaia belhkhawm i ziak ang, eg, 200000, 300000 etc. Tichuan a Company category kha i type ve leh a nga, eg Hotels & Restaurants. A hnuaiah hian i join theih hun tur i thlang ang, entirnan, i hna apply kha an lo la ta che a, Mizoram-a awm i nih avangin hun i mamawh, i duhber hi i thlang mai dawn nia, rei leh lutuk kha chu company-in an iai ve thin, hna thawk tur an mamawh vat vat avanga post anni tih hria la, 15 Days or less-ah hian inkhung len hrâm i tum dawn nia.

Key Skills ' tih a dawt lehah a lo awm a, i hna thawh thiam, thawh theih zawng, i chemkalna ho kha i thleng ang, mahniin a search theih a, duhthlan tur pawh a awm sa nual, sawm (10) tal i thlang dawn nia. I zawh chuan Next i hmet leh ang.

Educational details ' i ziah a ngai dawn, i qualification kha, duh thlan tur awmah hian i qualification i lo thlang chhuak mai dawn nia. Examination Board-ah hian Mizoram chhunga i passed a nih chuan Mizoram' i thlang ang a, Language Medium-ah English i hmet leh ang. A phek dawt chiahah ' Your Work Preferrences ' tih a lo awm a nga, tah chuan , Preferred Salary ' tih kha en la, i hlawh beisei zat, i hlawh duh zat i ziak ang, thla tin hlawh a nilo tih hria la, thla tin hlawh kum khat chhunga belhkhawm ang kha a ni , ilo ziak tlêm lutuk palh a nge, nuaih(Lakh) a kai ngei ngei tur aw.....

A phek dawt lehah ' Preferred Work Location ' tih a awm a, i hna thawh duhna hmun, i kal duhna deuh bik i ziak ang, sawm (10) aia tam i thlang theilo, eg, Mumbai, Delhi, Bangalore etc. Your introduction to recruiter ' tih kha i fill-up a ngai, hnathawktu tur zawngtu khan alo chhiar a nga, an mamawh ang i nih chuan a rawn be nghal dawn che a ni. A awmsa kha i duh chuan i ring thei a, i duh chuan nagmahin i type thei bawk, AI tangkawpin a awlsam, a awmsa pawh kha a pawi lemlo a nia i tihkual vel peih vakloh chuan.

A dawt leh-ah chuan Resume / Cv i uplad ang, i neih sa chuan phone tih button kha hmet la, i resume awmna folder-ah i lut ang a, i lalut mai ang, i duh chuan Dropbox-ah i upload a nga, chumi kaltlang pawh chuan i tithei tho, kei chuan a kual thui mai mai ka ti, a hmasa zawk hi a awlsam. Resume / Cv uplad mai i la neilo a nih chuan I will upload later ' tih kha hmet la, nakinah ila upload leh thei tho a ni, Upload ngei ngei a ngai a, a pawimawh lutuk tih i hre dawn nia. Resume siamdan i hrelo emaw, ila neilo a nih chuan link-ah hian lut la i lo chhiar leh thuak thuak dawn nia, a harsa lo. 

RELEVANT POST : CV / RESUME SIAM DAN

Za-ah 90 i zo ta, profile i siam anga, i hming te, thlalak smart deuh hlek te upload la profile picture-ah, a dang fill-up ngai ho kha chu instagram leh facebook kan hman tirha kan fill-up ang deuh vek kha a ni a, i thiam vek tawh ka ring, harsatna ila nei cheu a nih chuan ka facebook page emaw, insatgram page-ah khan minlo be leh mai la inthlahrung lovin.

I zawh vek hnuah khan i hna duhzawng i zawng ang, a zawn dân tur chu youtube-a i thil en duh zawng i zawn ang kha ni deuh mai, a danglamna chu hna hming  leh location, i thawh duhna hmun i ziak tel zel ang.

HRIAT NGEI NGEI TUR : Hna i hmuh reng rengin google-ah te an location leh address kimchang takin i zawh hnuah search la, an rintlak em? an awm ngei em ? tih i hre hmasa dawn nia, application rintlak tak ni mahse mi bum tum hi khawi hmunah pawh an awm ve reng tih i hriat kha. English emaw Hindi thiam ngei ngei hi a tha a, i thiam vaklo a nih pawhin Youtube velah kan Mizopui te ngeiin tuitorial tam tak, awlsam leh tangkai tak tak an dah a en nachang hria la, hna hmu tur hian thiam over pawh a ngai chuang lo a nia, mahni inringtawk la, hna ṭha tak hmu turin ka duhsakna sâng ber ka hlan a che.