BOLLYWOOD FILM INDUSTRY ISSUE !

Indian Film Maker, Screenwriter, producer & Actor ' ni bawk Anuraq Kashyap (52) chu tûn hnai khân a film siam pakhat PHULE ' chu Central Board of Film Certification (CBFC) in a scene pawimawh lai leh hmuhnawm lai tam tak mipui tana en a himlo thei nia ngaiin an paih (Cut) tir nuala, hemi vang hian a lungawilo hle. Bollywood Film Industry chu a fair' tawk tawh lova, Creativity ' tak tak awm tawh lovin, ' a lâr saten an sum neih hmangin sum tam zawk siam tumin game an khêl kual vêl mai mai tawh a ni '  a ti.

Mi țhenkhat tân chuan ngaihkhatah a ngaih ve theih tho mai, a film siam te reng reng a ulukin a tak thei ang ber tura siam a ni țhin a, Politics leh ram hnuk khawih thei, mi thenkhat han khei deuh ngâih lam a tel ngei ngei țhin bawk nen.

Hetianga a film tihchhuah tharin beisei a phâk tâk loh hnu hian a reh ta vang vang a, mi tamzawk chuan Film Industry ' chu a chawlhsan ta emaw an ti hial, chu erawh a lo nilo nasa, tunhnai khan twitter(x) kaltlangin thaŵm a rawn chhuah ring hle, "Sharukh khan" ai pawha a buai zawk thu sawiin, project inthuah nei țûnin, kum 2028 thleng hian hunawl mai mai a neihloh thu a sawi. Imdb '  lamah phei chuan nitin project pa 3 vêl lian tak tak chawhruala hnawl zel ang a nih thu a sawi nghe nghe.

Kashyap hi Mumbai khawpuia khawsa niin, tûnhnai khan Bangalore lamah a insawn chhuak a, hetia Bollywood khawpui ber tia anlo sawi țhin a chhuahsan tak avang hian mi tam zaŵk chuan Film Industry a chawlhsan niah anlo ngai nghet bur nghal a ni.

Amah hi kan hriat theih dan tur chuan crime movie lar tak Black Friday (2004) ' te kha a produced leh a ziah a ni a, hêng bakah hian Raman Raghav 2.0 (2016),  AK vs AK (2020) te, movie leh serial dang hlawhtling tak tak a lo siam tawh.