8 HABITS THAT CAN BREAK YOUR RELATIONSHIP || MIZO

THUHM TLÊM :  Ngaihzawng nei mek leh la neilo lo deuh, neih tum ve ûk ûk te tan tunṭum chu a ṭangkai daŵn a, i hriat hnu pawh a lo awm nual maithei a, thil reng reng chu ngaia neih theih a ni a, i hriat hnu a lo nih pawhin inhrilh tharna ni se, inenfiahna hun te pawh a niang chu, engpawh nise he thu post hi a tangkai thei ang bera hmang tur chein ka duhsakna sâng ber ka hlan a che.

Hêng a hnuaia points panga (5) te hi Relationship (Inlaichinna) tichhe thei a ni tih hriain, tihloh (avoid) hrâm hrâm ilo tum dawn nia...

1.INBIAK TAM LUTUK : Inbiak tlêm lutuk a thatloh rualin inbiak tam leh lutuk pawh a pawi thei. Mihring chu inhne thei, in ning thei kan ni, thil ho te te phone-a inzawh reng te, buai lai phei chuan a ninawm thei a ni. Ingaizawng ṭantir tan chuan a la pawi chiahlo maithei, inngaihtuahna lantirna pawh a ni thei. Chuti ni lova a zawng a za a khawnge i awm,? eng nge i tih ?, eng nge i ei,? tunge i bulah awm ? tih angreng, zawhna fahrah te te inzawh reng khân in inlaichinna a tichhe vat thei a ni, i bialnu/bialpa khân a ruk te te chuan a lo hnê hman hle palh che a nge ! .

2.DAŴT SAWI LEH ZEP RÛK NEIH ; Thuruk ngah lutuk te, daŵt sawi reng te hian inlaichinna tichhe thei tih zep rual a nilo. Mihring chu tling lo theuh, fel famkimlo, thil tisual thei kan ni a, han chetsual ve bap bap chang te pawh a awm ve ang, chung hunah chuan inhriat thiam tawnna nên,thudik chauh inhrilh ila, ' Ka tisual palh a ni e " ti a a tisual zawktuin pawmthiam a , a ngaidam theitu pawhin ngaihdam mai hi a ṭha, chutiang a nih loh chuan inlaichinaah zêpruk a tam tawlh tawlh a nga, in inkâr a zau tawlh tawlh thei daŵn a ni. Tisual palhtu i nih chuan ngaihdam diltu  nih pawi ti lo la, amaherawhchu, heng midang laka inkawp leh inrinawmlohsan ang te hi tihsualpalh a awm theilo an ti a, ilo tisual lui reng zawk a nge.

3.THIKTHU TIHCHHIAT LUTUK : Tlêma thikthu han tihchhiat ve deuh hi chu a pangngai viau, a nih ve dan tur rêng a ni a tih theih ang, mahse, thîkthu chhe leh lutuk hi chu a tirah min hmangaih vâng nih dawn hi pawh a tih theih mai theih, a rei hnuah a ninawma, an ngeiawm letling ṭhin. In inkar tichhe theitu  ni tih hria la, ring ngam fo ang che. 

4..THUNEIHNA : Mipa zaŵk I ni emaw, hmeichhia zawk I ni emaw, thu neih na chan over ' bik tum suh. Mi tu pawhin zalênna kan duha, zalvn taka nun hi nuam kan ti a ni. Mahni chhûngte ngei pawhin kan chunga thuneih lutuk an tuma, min khuahkhirh (control)  chuan hrehawm kan ti thin, mihrang ngat phei chu a hrehawm tur zia chu kan hriat thiam vek a rinawm,. 

I bialnu emaw, bialpa a ni emaw, a duhna hmun, a nuam  tihna hmunah te a kal phal sak la, tel ve zel tum kher kha a thalo. Rilru tih thawven te ṭul châng a awm i hriat kha , a thiante nen hun hlimawm tak hman ve te pawh a chak ang,  a hmangaih tak tak che a nih chuan a rilru-ah I awm reng dawn tho, ṭhian kawm ngaina chi a nih phei chuan in ingaihzawn hma khân a  thiante nen zalên takin hun a lo hmang ṭhin maithei , a tan khâng hun angte kha a thlakhlehawm châng a awm thei a, kal ve tura a sawm che a nih pawhin ' ka tibuai lutuk ang che u, '  tiin mawihnai takin hnial der ve chang nei la, a ngaihdan te la la, a kalna leh  chhuahna hmun apiang hriat tuma, zui vek tum kha  a tha lo thei.

5. INZAHLOH LUTUK : Inngaihzaŵn rei ve deuh chuan kanlo inhre chianga, kan lo inpawh ve tawh hle a nih pawhin, thiante emaw,midang awm laia inzahlo lutuka han inṭawngkum, te, inhnial buan buan te hi tih loh hrâm a ṭha, eng ang pawhin lo inpawh tawh ila, mihring kan ni a, kan rilru a na lo theilo. Mipa zaŵk nih phei chuan mi hmaa inlak pâ duh vanga order' deuha duh duh dana hmeichhia zaŵk han awmtir tum te kha, a pâlo zawka, a changkânglo a ni. Hmangaihnaah chuan mipa leh hmeichhia an inzah tawna, an inbûk tawn reng tur a ni, chu chuan relationship tha leh nghet a siam thin.

6.KHAIKHINNA : Entir nan midang nula/tlangval chhelo deuh hlek, in ṭhian emaw, in ṭhian te kawm ve thin hnai vai deuh ang te kha, khâng nen khan an hmêl emaw, mizia emaw khaikhin chîng suh, a amah ang sawn awm tum rawh, a fel bik ê '  tih reng te, I tluklo '  tihreng ang te kha, sim hmak a tha.

7.IN SUPPORT TAWN : Inlaichînnaa kan luh chiah hian kan in hmangaih tak tak a nih chuan kan rilru leh thinlung zawng zawng deuh thaw hi kan inpe ni hialin mithiamte chuan an sawi. A tam zaŵk chuan kan mimal harsatna emaw, chhungkaw buaina te kan in share' tawn thin ang, kha kha a tha, inrintawnna leh inlaichinna ti nghettu a ni. Harsatna in hrilh tawn ngai miah loh a, mahnia tuar tlawk tlawk te, ngaihzaŵngte te bula hlim loh phah reng si ang te kha a thalo a ni. I ngaihzaŵng khân a rûkin a harsatna te hrilh che a lo chak viau theia, zawh  nachâng hria la. I harsatna te a lo hre ru reng thei bawk, a hriat ve I duhlo ah ngaiin, hrelo angin a lo awm reng maithei, min ring ngam tak taklo  nih hi ' te pawh a lo ti reng thei a ni.

8.HUN KAL TAWH SAWI CHHUAH : Inngaihzawnna ah kher lo pawh tumahin kan hun kal tawh, a hlimawm lo leh thalo lam chu sawi chhuah kan châklo , midamgin min sawi sak pawh kan duhlo, chuvangin ngaihzaŵng hluite chanchin inzawh chhên te, an inthen chhan sawi chhên te, a ngaihzaŵng hlui ex ' chanchin chhe lam lo sawi chhên te kha atan a ninawmin a hahthlak thei. a rilrua la ngaih ve chang te pawh a nei thei . khang hun kal tawh vâng a a hliam te kha ala dam famkim lo thei bawk. A hlimawm lam a nih chuan tupawhin sawi nuam kan ti a, aman a sawi chhuak te a nih loh chuan zawt lo la, hringnun hi daisual palh thei a ni tih hriain , inhriatthiamna sang tak neih  ngai a ni.

Hmangaihna zinkawng hi a awlsam lova, inhriathiamnatawnna leh inhmangaih tawnna tak tak a awm loh chuan intaŵpsan mai te a awl em em a, chuvang a nia inneihna-ah pawh kumkhuaa kan invawn theih nan " A nuam-ah leh a hrehawmah pawh " tih te an lo telh ni, hmangaihna chhawmnungtu zawk i ni thei tih hria la, theih tawp i chhuah zêl dawn nia.